Мұғалімдердің айлығы қандай болу керек деп ойлайсыздар?

Question

Басқа жаққа алаңдамай, сапалы білім бере алу үшін мұғалімдердің айлығы қандай болу керек деп ойлайсыздар? Және басқа да қандай мүмкіндіктер жасалу керек(Зейнетақы, әлеуметтік қамтамасыз ету, денсаулық сақтау т.б)?

Comments

Мугалимнин айлыгы 500мын болуы тиiс. Мектеп мугалимлерi баска  жумыс сиякты емес олар пара алмайды ойткени ешким бермейди баска жумыстар да левый акша болады.

---

Мұғалімдерге жалақы төлемеу керек. Міндетті ақысыз білім беру оқу орнында олар мемлекет қарауында болуы керек. Қалған кезде өзінің біліктілігімен, асқан дарындылығымен, таланттылығымен байи білуі керек. Мысалы 5 жылда баланы Гарвард университетіне дайындап түсіріп беретін қабілеті болса, мен баламды берер едім сол мұғалімге, ол мұғалім емес нағыз ҰСТАЗ  ғой

---

Мұғалім 500мың айлық алғанмен , ата-ана оның қадірін сезінбесе еңбегі еш болады. Алдымен ата-ананың жауапкершілігін нақтылау керек.  Айлығы мен бірге оның аброыйн ата-аналар ойлау қажет. Шәкірт -ұстазды сыйлау тиіс.  Ол  сыйлауы үшін, атан-ана баланы тыңдап және айбатымен ұстай білуі қажет

---

Ол үшін мугалимнин күш- жигеринен бөлек балада талант болуы тиіс.

---

Мұғалімдік жұмыс Орысша айтқанда не благодарный жұмыс. Қазіргі Ата аналар сөзге түсінбейді.

---

Мұғалім жалақысы өте жоғары болу керек.Себебі ,оның  шəкірттері мемлекетті, əлемді басқарады.Барлығы мұғалім еңбегінің арқасында .

Answer 1

Ешқандай артық жұмысқа шапқылатып жұмсай бермей, керексіз құжаттарды сұрата бермей тек қана сапалы білім беріп өскелең ұрпақ тәрбиелеу үшін қазіргі алып жүрген жалақының 3 есеге көтеріп беруі керек!!!! Жыл соңында санаторияға жолдама беріліп тұрса және үймен немесе жатақханамен қамтамасыз етілсе! Себебі көбісі жан-жақтан келген ұстаздар, үй жалдап тұратын.

Comments

Дұрыс айтасыз. Ең болмаса, байқұс мұалімдерге үй берсе ғой

Answer 2

900 мың теңгеден кем болмау керек деп ойлаймын!

Answer 3

Өзім мектепте жұмыс жасаймын. ата-анам менен жалақымды да сұрамайды, себебі алатын 45 мың еңбекақымның жартысына артығы қағаз, файл мен бітпейтін папка,  жазылуға міндетті газеттерге жұмсалады. оның үстіне көрнекіліктерді қосыңыз. жарайды, менің ата-анам жақсы табыс табады /сауда-саттықта /, ал өзге жас мамандар қалай күн көреді дейсіз. Мектепте істеп жүрген 4 жылдың ішінде атақ-абырой әкелмейтін, жалақысы мардымсыз, жүйке жүйесін тоздыратын жұмыстан басқа салаға ауысып кеткен талай мықты мамандарды көрдім. Ұстаздық деген жүректің қалауы, балаға деген зор махаббат. Алайда..."на одной любви далеко не уедешь"  деген де бар емес пе. сондықтан, мұғалімдердің еңбегңни қадірлей білейік, бағалай білейік

Comments

Тек мектеп емес колледждің де жалақысы өте төмен. Алған жалақымыз тəлімгерлік топтағы студенттерді іздеумен сондай-ақ үйіндегі ата-анасына хабарласумен кетеді. Телефонға балланс саламыз да звондаймыз. Соңынан жақсы сөз де естімейміз. Мұғалімнің жалақысы жоғары болса, барлық мұғалімдер де қиналмас еді.

Answer 4

300 000 - 400 000 тг - де болады! Тек сабақ оқытумен айналысатын! Өзім балаға сабақ бергенді ұнатамын! Өйткені Қазақстанның болашағын тәрбиелеп отырмыз ғой!

Answer 5

Шетелде мұғалімдердің айлығы жоғары, пединститутарына да түсу оңай емес, конкурстан өту керек, бір орынға 10-11 адам. Сол себепті мұғалімдерінің білімі де сапалы, кез-келген адам мұғалім бола алмайды. Ал мұғалімнің білімі сапалы болса, елінің болашағыда жарқын болады. Бізде де айлықты көтеріп, пединститутарға түсу үшін 2-3 сатыдан тұратын емтихан өткізу керек. Және мұғалімдердің де білімін сапалы етіп беру керек(Мұғалім ақша үшін емес, болашақты тәрбиелеп жатқанын түсіну керек). Сонда айлықтарын да көтеруге болады.

Answer 6

Айлығын көтергенде бізде сол айлыққа сай болмаған мұғалімдер де бар ғой, айлықты көтерер алдын мұғалімдерді електен өткізіп өткізіп алу керек. Сонда ҰСТАЗ деген атқа лайықты мұғалімдерге айлықты көтеруге болады деп ойлаймын!

Comments

бастауыш сынып мугалимдердын енбеги жогары болу керек, енбек сол кисилердыкы кирчипты калаушылар сол кисилер

---

Мен сізбен толықтай келісімін.

---

Тек қана балаға білім берумен және оның тәртібімен айналысу міндеті жеткілікті. Кемінде 500 000 еңбекақы төлену керек, себебі күнделікті шашын жөндеу, жеңіл макияж жасау мұғалім үшін бұлжымас қағидаға айналуы керек. Оны арнайы маманға жасату керек. Сүйкімді көріне білу, жинақы жүру тартымдылыққа әкеледі емес пе?

---

Дұрыс. Бастауыш сынып мұғалімі мен мектепалды даярлық тәрбиешілері баланың мұрнының боғын сүртіп, дәретханаға дейін жетектеп жүріп үйрететін алғашқы адам. Қаламды ұстай білмейтін баланы үйретіп қалфптастырушы.

Answer 7

Ұлағатты ұстаздарға қанша айлық төлесе де жарасады. Көзіміз көріп жүр кабинетін жабдықтау, оқу құралдарына дейін өздері сатып алады. Сонымен қатар мұғалімдерден есеп (отчет) талап еткен ше, оқушыларға сапалы, саналы білім беруді талап ету керек. Қазіргі уақытта Ұстаздар есеп ереді ма, оқушыларға білім береді ма соны шешіп алу керек сияқты. Әйтпесе жазаны оқушылардың біліміне емес, мұғалімдердің есебіне қарап беретін болды. Қағаз бастылықтан бас тартып, сапалы білім беруге көшу керек деп есептеймін.

Comments

ұстаздық ол жүректің батырлығы
 бағалай, қадірлей білейік

Answer 8

Мұғалім ісі сырттай қарапайым болғанмен – тарихтағы ең ұлы істің бірі. Константин Ушинский

Answer 9

өзі оқымаған ата ана баласын қалай оқытпақ , еще сөйте тұра оқымаған  кержалқау баласының сөзін сөйлейді

Answer 10

Қайрат, "Мұғалімдерге жалақы төлемеу керек. Міндетті ақысыз білім беру оқу орнында олар мемлекет қарауында болуы керек." деген сөзіңізді ойланып жаздыңыз ба? Сонда мұғалім немен күн көру керек? Міндетті ақысыз оқу дегеніміз - ол ата-ана қалтасынан ақы төлемей, оны мемлекет көтеріп алатын орта білімді айтады. ал орта білім - ол стандарт. стандарт - орта деңгейлі оқушыға арналған. Сондықтан сіз балаңызға жақсы білім бергіңіз келсе, онда қосымша білім беру орындарына жүгінесіз. "5 жылда баланы Гарвард университетіне дайындап түсіріп беретін" мұғалімді табарсыз, шүкір, біздің елде ондай мұғалімдер баршылық, бірақ балаңыз соншалықты қабілетті ме? Мәселе осыда. Қазақта "Сүйреп қосқан тазы түлкі алмас" деген мәтелді ата-ана ескеру керек. Ал мұғалімге шекеден қарап, оны төмендете сөйлеп, шірену - надандық.