Question

Ана туралы өте жақсы тақпақ, өлеңдер керек еді, бөлісесіздер ме?

Answer 1

Ана туралы жыр

Ана туралы жыр 2

Анашым

Аппақ анам

Бала емізіп отыр ана

Ана жайлы ең жақсы сөз…

Анашым, ауырмашы....

Answer 2

Жан анама (Берикболова Бекзат)

Нұрын шашқан күнімсің ғой жан анам,
Бар шуағын баласына арнаған.
Бір өзіңнен қуат алып өмірде
Сенің салған сара жолды жалғағам.

Айымсың ғой жарық қылар түнімді,
Жұлдызымсың сәнді еткен көгімді.
Бір Алладан саулығыңды тілеумен
Атқызамын әрбір ғажап күнімді.

Қымбат жансың, мен үшін ең асылсың!
Аллам сенен жамандықты қашырсын.
Әкемменен мәңгі шалқып бақытқа
Жастарыңды жүзден дағы асырсын!

Тілегімнің бастауы да бір өзің,
Мейiрiмге толы мынау нұр жүзің.
Сен жанымда болған кезде әр сәтім
Жаздай жайлы қысым менен сұр күзім.

Бақытымсың, жаным анам, жан анам,
Мен өзiңдi періштеге балағам.
Ауырмашы,  қартаймашы ешқашан.
Мақсатыңа жетші әр кез қалаған.

Өзіңсің ғой өмірімнің тірегі.
Аман жүрсең - маған сол гой керегі.
Бақытты бол, ауырма деп тілейді
Сәбиiңнiң жұдырықтай жүрегі!

Comments

класс просто супер!!!

---

Өте тамаша өлең

---

супер класс молодец

---

Супер спасибо

---

жарайсын керемет

---

Жақсы рақмет менің балам əеліме осы тақпақты айтып берді РАҚМЕТ

---

норм өлең екен

---

Маган кереги осы еди

---

оте жаксы ана туралы назым пыкыр калдырды

---

Жаксы айтылган

---

Өте жақсы жазыпты. Керемет.

---

кушти кушти маган унады

---

өте жақсы ән!Жазған адамға сәттілік тілеймін!

---

Молодец!!!Ақын екенсін!Өскенде ақын болатын шығар

---

Өркенің өссін
Бал тамған ақын екенсің

---

Жазган адамнын талабы бар екен.
Саттилик.

---

Жарайсың болашақ акын
Еліміздің суырып салма  
Акыны болуыңа тілектеспин

---

Азамат бол оскенде

---

Автордың  аты  кім??

---

Өте керемет өлең. Мен бұл өлеңді  Алла қаласа қыз сыны байқауында жаттаймын!

---

Автордың аты БЕРИКБОЛОВ БЕКЗАТ

---

Кереамет өлеңдер!Маған әсерлі өлеңдер керек еді өтініш тауып періңіздерші

---

мендееее аххахаах

---

Өте керемет өлең!

---

Шілей  Берікболава Бекзат емес шығар ва

---

Ана-мерген (Сағындықова Тілеулес)

Ана- мерген, нағыз батыр ол- ана,
Ана- сенім, пана болар балаға.
Бақыт деген анаңның алақаны
Жылытар әрдайым тоңғаныңда.
●
Тоғыз ай көтереді құрсағында,
Бақытыңды тілейді, саулықты да.
Ана деген сүйіспеншілікке толы жүрек
Ренжітумен сол жарықты өшіріп алма.
●
Анасы, бар жылуын төккен он ұл,
Бағаламады-ау, жылап қалды сорлы ана.
Құрсағынан туған жылан болғанымен
Кешіреді-ау ана жүрек сонда да.
●
Он ұл, отбасы болды, орынын тапты,
Бағып қаққан анасын ұмыта қапты.
Немересін иіскей алмай, біреуін де,
Ана байғұс қинала көзін жапты.
●
Ешкімнің шаруасы жоқ анасымен,
Дүние сыйлаған жəннаттың кілтіменен.
Ал сол ана қиналып əлі жүр ғой
Жайылған жапырағын көре алмай.
●
Күндер өтті, сағат, айлар, жылдар да
Сағынады, аңсайды перзентін.
Ана- жарық, өшпестей ешқашан да
Өмір бақи сақтап жүрер ұрпағын.
●
Ренжітпеңдер, көңіліне қаяу салмаңдар
Бар кезінде бағалалаңдар, сыйлаңдар!
Ананың ешқашан өшпес жарығы
Қара түнектен жалғыз амал шығарар!

---

анамызды сыйлап журейык

---

Есімім: Берикболова Бекзат. Мұғаліммін. Екі баланың анасымын.

---

Берикболоваааааа Бекзат

---

Өте күшті өлең жолдары мен анама хат жазғанда осы өлең жолдарын қолдандым

---

өлеңіңіз керемет екен мүшайраға қолдандым сізге көп рахмет

---

Анамыз ???? келсын

---

ДзержинскогоКеремет

---

Керемет
Маган оте катты унады

---

Өте жаксы өлен
Маған катты унады
Жаксы????

---

Оте керемет рахметттт

---

жақсы кушті өлең

---

Өте керемет!!!

---

Сен ұлсыңба, қызсыңба.

---

Өте керемет жыр шумақтары екен, көп рахмет

---

Керемет ????кұшті тақпақ

---

Жаман екен менің мамам ұрсады төрт қатарға жаман

---

Өтее керемет

Answer 3

Анашым (Мұқағали Мақатаев)

Анашым!
Асыл анам, есіл анам,
Елжіреп есіркеймін, есіме алам.
Мен үшін сен суалтқан ақ сүтіңді
Ақтамасам, боп жүрмін несіне адам.

Алыс жолда жүрсем де арып-ашып,
Ағат ойлап түсірмей жаныңа шық,
Оқытып кешеу барған хаттарымды
Отырмысың үрпиіп, жаның ашып?

Өткізіп талай жылды, ай, аптаны,
Оқуын ұлың жақсы аяқтады.
Анашым, білем сені, қарсы емессің
Кеттім мен тың даланы оятқалы.

Анашым!
Қайда жүрсем сен - күш, арым,
Сүйемін дидарыңды, мен құшамын.
Қайда барсам, өзіндей қарсы алады
Кең байтақ Отанымның кең құшағы.

Анашым!
Жаратылдың бағыма шын
Білемін көңілсізсің, сағынасың.
Қайда жүрсем, қамқоршым Отаным бар.
Қапа болма мен үшін, неғыласың..

Comments

керемет оте жаксы

---

өлеңдеп осыны айт

---

Өтттте керемет маған қатты ұнады

Answer 4

Ана жүрегі (Айсұлу Рүстемова‎)

Өзгертпейді білемін
Шалшық және лай түсін.
Қайран ана жүрегі-
Даладай кең, Ай мүсін.
Қасіретің азайсын
Деп тіледім әз ана,
Өлеңдерім қол созсын,
Жеңілдетсін қайғысын.
Қатысым жоқ бейтарап
Қалай енді қала алам.
Жүректерін сауықтыр
Жерлік мұң мен жарадан.
Қиын нәрсе екен-ау
Жаратқан-ай, шарасыз,
Жылап тұрған Анаға
Еш дәрменсіз қараған.

Comments

онша жаксы емес

Answer 5

Ананың сүюі (Міржақып Дулатұлы)

Кім сендерді, балалар, сүйе-тұғын,
Куанышыңа қуанып, қайғыңа күйе-тұғын?
Түн ұйқысын төрт бөліп, кірпік қақпай,
Шешең байғұс дамылсыз жүре-тұғын.

Кім сендерді, балалар, тербететін,
Еркелетіп, ойнатып, сергітетін?
Жалқау болсаң, балалар, жаман болсаң,
Камқор анаң көз жасын көлдететін.

Кім сендерді сағынар шетке кетсең,
Ғылым іздеп, тез қайтпай, көпке кетсең?
Ұмытпа, ең кемінде жұлдыз сайын,
Хат жазып тұр, төбесі көкке жетсін.

Кім сағынар сендерді келгеніңше,
Кұлындарын көзімен көргенінше?
Сендер қайтып келгенде адам болып,
Еш арманым болмас дер өле-өлгенше.

Answer 6

Анама  "Фариза Оңғарсынова"

Кеудеңде мені тербеттің, жас шыбық енді көктеді.
Мінеки мен де ер жеттім, еңбегің бекер кетпеді.
Өмірде мынау ең жақын, аяулым сенсің, анашым!
Болмаса мейлі зор даңқың, мен үшін бірақ данасың.
Мейірім төккен нұр жүзің тұрғандай сезем жанымда.
“Адал бол, - деуші ең, - жұлдызым”, сақталды сөзің жадымда.
“Игі еңбек түбі осы-ау” дер көргендер жеміс ағашын.
Қартаймай, мәңгі жасай бер мәңгілік Күндей, анашым!

Comments

әсерлі екен:-)

---

маган ана туралы такпак керек еды ОТЫНЕМ пж пж пж пж пж пж пж пж пж пж пж пж пж пж пж

---

Бір жақсы тақпақ жоқ ше ана туралы

---

жаксы тагы да такпак шыгарынызшы

Answer 7

Анаға тілек "Ғабиден Қожахмет"

Жеткізіп арманға жол күні бүгін,
Бақ құшты қызың менен бүгін ұлың.
Болғанмен бар болмысың қарапайым,
Байқалып тұрады, ана, ұлылығың!

Болмасын дедік те әр кез жүзі мұңды,
Еңбекті ұл, бейнетіңді қыз ұғынды.
Қылсын деп ұзағынан отырасың
Тәңiрден сұрап алған қызығыңды.

Жан-жағың толып бізбен бүтін бүгін,
Болғанда күнiң сәтті - ұтымды күн.
Сонда әр кез тәңіріңе тәуба десiп,
Тіліңнен үзілмейдi шүкірлігің.

Қызығын қызықтаумен немеренің,
Есте әр кез ақ бесікке бөлегенің.
Қуандың талай тойда шаңырақ пен
Жазылған шаттығына керегенің.

Оятып болашаққа сенімдерін,
Өзіңді қадiр тұтты келіндерің.
Бәйек боп жүресің-ау, ұрпақтардың
Болмаса дегендей-ақ көзінде мұң.

Болғандай тіршілікте бағың бала,
Ұл-қызың - өмірдегі тауың дара.
Солардың қызығына куә болып,
Аман жүр ортамызда, ауырма, ана!

Бекітіп шөбереңнің бұғанасын,
Той болсын әлі талай ұлан-асыр!
Қызықтап сол тойларда отырсыншы
Қазақтың қарапайым бір анасы!

Comments

очень трогательная песня

---

а ты умееш читать на казакском

Answer 8

Балам деп ойлар анасы

 

Маңдайдағы сызығым,

Өмірдегі қызығым,

Сезермісің кештерде

Ана жүрек қызуын?

 

Көктеп шетін көрпенің,

Шексіз ойды шертемін;

Адастырып жүр ме екен

Шындық жайлы ертегім?

 

Тұла бойы тұнығым,

Тұлымшақты құлыным,

Әділетке сенгіш ең

Қандай екен бүгінің?

 

Самғап арман құстарың

Жүрсің үйден тысқары.

Өмірден тек «ғайып» боп

Қалқып жүрме ұшқары.

 

Мұнай кетті жат елге,

«Вахта тірлік» әкеңде-

Сансыз күндер сендерсіз

Мұңаюмен өтем бе?

 

Рахат тауып еңбектен,

Қымбат, сәнді көйлекпен

Жеткен екем түсімде

Несиесіз зейнетке.

 

Көзайымым, қырмызым,

Көгімдегі жұлдызым.

О, жаратқан қолдай жүр

Жадау елдің ұл – қызын.

 

Жанбай Өзденбаев

jorajorin@mail.ru

Comments

ана туралы такпак керек еди ойдан шыгарылган коп адам билмейтин интернеттен таба алмайтын срочно рахмет

Answer 9

Қарап көріңіздер:

Ана туралы өлеңдер.

Ана туралы тақпақтар

Ана туралы өлеңдер.

 

Comments

кушті керемет

---

Керемет олен екен ,
маган катты унады

---

оте жаксы рахмет

---

ей адамзат ойы толып ержеткен
ананды умытпа бесигинди тербеткен
ана деген аяулы да асыл жангой
конил жокта конилинди сергеткен
издеп корсем бир анамдай адамды
андап бастым арбир баскан кадамды
дала кезип издесем таба алмадым
бир анамдай бауырмал асыл жанды                   (Мадина Карбаева)

Answer 10

Ана-мерген    (Сағындықова Тілеулес)

Ана- мерген, нағыз батыр ол- ана,
Ана- сенім, пана болар балаға.
Бақыт деген анаңның алақаны
Жылытар әрдайым тоңғаныңда.
●
Тоғыз ай көтереді құрсағында,
Бақытыңды тілейді, саулықты да.
Ана деген сүйіспеншілікке толы жүрек
Ренжітумен сол жарықты өшіріп алма.
●
Анасы, бар жылуын төккен он ұл,
Бағаламады-ау, жылап қалды сорлы ана.
Құрсағынан туған жылан болғанымен
Кешіреді-ау ана жүрек сонда да.
●
Он ұл, отбасы болды, орынын тапты,
Бағып қаққан анасын ұмыта қапты.
Немересін иіскей алмай, біреуін де,
Ана байғұс қинала көзін жапты.
●
Ешкімнің шаруасы жоқ анасымен,
Дүние сыйлаған жəннаттың кілтіменен.
Ал сол ана қиналып əлі жүр ғой
Жайылған жапырағын көре алмай.
●
Күндер өтті, сағат, айлар, жылдар да
Сағынады, аңсайды перзентін.
Ана- жарық, өшпестей ешқашан да
Өмір бақи сақтап жүрер ұрпағын.
●
Ренжітпеңдер, көңіліне қаяу салмаңдар
Бар кезінде бағалалаңдар, сыйлаңдар!
Ананың ешқашан өшпес жарығы
Қара түнектен жалғыз амал шығарар!